چینی کسٹمز حکام کے مطابق رواں سال کی پہلی سہ ماہی میں غیر ملکی سرمایہ کاری سے وابستہ کمپنیوں کی درآمدات و برآمدات کا حجم 3.47 ٹریلین یوآن رہا، جو گزشتہ سال کے مقابلے میں 16.1 فیصد زیادہ ہے، اور یہ مسلسل آٹھویں سہ ماہی ہے کہ اس شعبے میں اضافہ ریکارڈ کیا گیا ہے۔اعداد و شمار کے مطابق پہلی سہ ماہی میں چین میں کسٹمز کے ساتھ رجسٹر ہونے والی نئی غیر ملکی کمپنیوں کی تعداد 6200 سے تجاوز کر گئی، جبکہ درآمد و برآمد میں سرگرم غیر ملکی کمپنیوں کی مجموعی تعداد 69 ہزار تک پہنچ گئی۔
اسی عرصے میں غیر ملکی کمپنیوں کی جانب سے الیکٹرانک معلومات، نئے مواد اور اعلیٰ درجے کے سازوسامان جیسے ہائی ٹیک شعبوں میں درآمدات و برآمدات بالترتیب 44.7 فیصد، 11.1 فیصد اور 9.8 فیصد بڑھیں۔مزید برآں، غیر ملکی کمپنیوں کی تقریباً 170 ممالک اور خطوں کے ساتھ تجارت میں اضافہ ہوا، جن میں سے 130 سے زائد کے ساتھ تجارت میں "ڈبل ڈیجٹ” اضافہ ریکارڈ کیا گیا
