چینی وزارت خارجہ کی یومیہ پریس کانفرنس میں جاپانی سیلف ڈیفنس فورس کے جہاز کے آبنائے تائیوان میں داخل ہونے کے حوالے سے چین کے موقف کے بارے میں سوال کیا گیا ۔ چینی وزارت خارجہ کے ترجمان گو جیا کھون نے سوال کے جواب میں کہا کہ چینی فوج نے اس واقعے سے قوانین اور ضوابط کے مطابق نمٹا ہے ۔ ان کا کہنا تھا کہ تائیوان کے حوالے سے جاپانی وزیر اعظم سانائے تاکائیچی کے غلط بیانات نے پہلے ہی چین جاپان تعلقات کو شدید متاثر کیا ہے۔جاپان کا آبنائے تائیوان میں سیلف ڈیفنس فورس کے جہاز بھیجنا ایک سوچی سمجھی اشتعال انگیزی تھی، جس سے اس کی غلطیوں میں اضافہ ہوا ہے۔
ترجمان نے کہا کہ یہ واقعہ ایک بار پھر جاپان میں کچھ لوگوں کی آبنائے تائیوان میں فوجی مداخلت اور وہاں کے امن و استحکام کو نقصان پہنچانے کی خطرناک سازش کو بے نقاب کرتا ہے۔
اس اقدام سے چین جاپان تعلقات کی سیاسی بنیاد کو شدید نقصان پہنچا ہے اور یہ چین کے اقتدار اعلی اور سلامتی کے لئے شدید خطرے کی بات ہے ۔انہوں نے کہا کہ چین نے اس کی سختی سے مخالفت کی ہے اور جاپان سے سخت احتجاج بھی کیا ہے ۔
