چین کا پہلا ٹائپ 076 ایمفیبیئس اسالٹ شپ "سیچوان” شنگھائی سے روانہ ہو کر جنوبی بحیرہ چین کی جانب بڑھ رہا ہے، جہاں یہ سائنسی تحقیقاتی تجربات اور تربیتی مشقوں میں حصہ لے گا۔چینی بحریہ کے مطابق یہ مشن اس کے معمول کے بین العلاقائی تربیتی پروگرام کا حصہ ہے اور مجموعی دفاعی ساز و سامان کی ترقی کے منصوبے کے مطابق انجام دیا جا رہا ہے۔
بحریہ نے اپنے سوشل میڈیا بیان میں واضح کیا کہ یہ ایک معمول کی تربیتی سرگرمی ہے اور اس کا مقصد کسی خاص ملک یا ہدف کو نشانہ بنانا نہیں ہے۔حکام کا کہنا ہے کہ اس طرح کی مشقیں بحری صلاحیتوں کو بہتر بنانے اور جدید ٹیکنالوجی کے مؤثر استعمال کو یقینی بنانے کے لیے کی جاتی ہیں۔
