ویتنام کی کمیونسٹ پارٹی کی مرکزی کمیٹی کے جنرل سیکرٹری اور ویتنام کے صدر تولام 16 اپریل کی صبح بیجنگ سے ہائی سپیڈ ٹرین کے ذریعے گوانگ شی زوانگ خوداختیار علاقے کے دورے کے لیے روانہ ہوئے۔یاد رہے کہ 14 اپریل کو انہوں نے ہائی سپیڈ ٹرین کے ذریعے شیونگ آن نیو ایریا کا دورہ بھی کیا تھا۔
اس دورے کے دوران، انہوں نے دو مرتبہ ہائی سپیڈ ٹرین کا انتخاب کیا، جو چین کی ہائی سپیڈ ٹرین کی تعمیر اور ترقی میں ان کی گہری دلچسپی کو ظاہر کرتا ہے۔بیجنگ سے گوانگ شی تک ہائی سپیڈ ٹرین حہ بئی، حہ نان، حو بئی اور حونان سمیت دیگر صوبوں سے گزرتی ہے ۔ 2400 کلومیٹر سے زائد اس سفر کا دورانیہ تقریباً 10 گھنٹے ہے، راستے میں چین کے وسیع جغرافیائی مناظر اور چینی طرز جدیدیت کے مختلف پہلوؤں کا مشاہدہ بھی کیا جا سکتا ہے۔گوانگ شی چین کا واحد ایسا علاقہ ہے جو زمینی اور سمندری دونوں راستوں سے ویتنام سے جڑا ہوا ہے۔
کہا جاتا ہے کہ "دروازہ کھولو تو ویتنام نظر آئے گا، دو قدم چلو تو آسیان میں داخل ہو جائیں گے”۔ یہ چین اور ویتنام کے درمیان تبادلے و تعاون کے ساتھ ساتھ چین اور آسیان کے کھلے تعاون کا ایک اہم دریچہ ہے۔
