ویتنام کی کمیونسٹ پارٹی کی مرکزی کمیٹی کے جنرل سیکرٹری تو لام نے سولہ مارچ کو ہنوئی میں چین-ویتنام کے خارجہ، دفاع اور پبلک سیکیورٹی کے ‘3+ 3’ اسٹریٹجک ڈائیلاگ میکانزم کی پہلی وزارتی سطح کی میٹنگ میں شریک چینی وزیر خارجہ وانگ ای، وزیر پبلک سیکیورٹی وانگ شیاؤہونگ، اور وزیر دفاع دونگ جون سے ملاقات کی۔تولام نے ‘3+ 3’ اسٹریٹجک ڈائیلاگ میکانزم کی پہلی وزارتی سطح کی میٹنگ کے کامیاب انعقاد پر مبارکباد دی۔
انہوں نے کہا کہ اس اجلاس نے دونوں ممالک کے درمیان مشترکہ ترقی کو فروغ دینے اور مشترکہ چیلنجز سے نمٹنے کے عزم کا واضح پیغام دیا ہے۔ انہوں نے چین کے ساتھ سیاسی اعتماد کو مزید مضبوط بنانے، اسٹریٹجک ہم آہنگی کو بڑھانے، عملی تعاون کو وسعت دینے، عوامی تبادلوں کو فروغ دینے اور کثیرالجہتی سطح پر قریبی تعاون جاری رکھنے کی خواہش کا اظہار کیا تاکہ عالمی و علاقائی استحکام اور ترقی کا مشترکہ تحفظ کیا جا سکے اور دنیا میں سوشلسٹ نصب العین کو مل کر فروغ دیا جا سکے۔
وانگ ای نے کہا کہ یہ میکانزم چین اور ویتنام کے تخلیق کردہ اسٹریٹجک رابطے کا پلیٹ فارم ہے، جو فریقین کے درمیان اسٹریٹجک اعتماد اور تعاون کو نئی بلندیوں تک لے جانے کی علامت ہے۔ انہوں نے کہا کہ اس سے دونوں ممالک کے درمیان اسٹریٹجک اہمیت کے حامل چین ویتنام ہم نصیب معاشرے کی تعمیر میں نئی پیش رفت ہوئی ہے
