اقوام متحدہ کی سلامتی کونسل میں بحری سلامتی سے متعلق کھلی بحث کا انعقاد کیا گیا۔اس موقع پر چین کے نمائندے نے جاپانی نمائندے کے ایسٹ چائنا سی اور ساؤتھ چائنا سی کی صورتحال کے بارے میں غیر حقیقی بیانات پر سخت ردعمل ظاہر کرتے ہوئے کہا کہ جاپانی مؤقف حقائق کو مسخ کرنے کے مترادف ہے اور عالمی برادری کو جاپان کے "نئے عسکری رجحانات” پر چوکنا رہنا چاہیے
چینی نمائندے نے کہا کہ ایسٹ چائنا سی اور ساؤتھ چائنا سی کی صورتحال مجموعی طور پر مستحکم ہے، جبکہ ساؤتھ چائنا سی اب بھی دنیا کی آزاد ترین بحری گزرگاہوں میں شامل ہے۔انہوں نے جاپان پر تنقید کرتے ہوئے کہا کہ حالیہ عرصے میں جاپان نے اپنی سیلف ڈیفنس فورسز کے جہاز آبنائے تائیوان میں بھیج کر اشتعال انگیزی کا مظاہرہ کیا ہے، جو دانستہ طور پر کشیدگی بڑھانے کی کوشش ہے اور تائیوان کی علیحدگی پسند قوتوں کو غلط پیغام دینے کے مترادف ہے۔
