تھائی لینڈ کے وزیر اعظم اینتن چارن ویراکول نے 24 اپریل کو بنکاک میں سی پی سی سینٹرل کمیٹی کے سیاسی بیورو کے رکن اورچینی وزیر خارجہ وانگ ای سے ملاقات کی۔تھائی وزیر اعظم نے کہا کہ تھائی لینڈ ثابت قدمی کےساتھ ون چائنا پالیسی پر عمل پیرا ہے اور چین کے ساتھ ملکر دونوں سربراہان مملکت کے درمیان طے پانے والے اتفاق رائے کو عملی جامہ پہنانے، ترقیاتی حکمت عملیوں کی ہم آہنگی کو مضبوط بنانے، مختلف شعبوں میں تعاون بڑھانے اور آن لائن جوئے اور ٹیلی کام فراڈ پرسنجیدگی کے ساتھ کاری ضرب لگانے کے لیے تیار ہے۔ تھائی لینڈ نے تھائی لینڈ اور کمبوڈیا کے سرحدی تنازعہ کو مناسب طریقے سے نمٹانے میں مدد کرنے کے لیے چین کی مسلسل کوششوں کا شکریہ ادا کیا اورتوقع ظاہر کی کہ چین اپنا تعمیری کردار جاری رکھےگا ۔
وانگ ای نے کہا کہ چین ہمیشہ سے تھائی لینڈ کا ایک قابل اعتماد اور قابل بھروسہ اسٹریٹجک شراکت دار رہا ہے ۔ چین تھائی وزیراعظم اور ان کی نئی حکومت کی جانب سے اقتصادی ترقی کو تیز کرنے اور عوام کی فلاح و بہبود کو بہتر بنانے کی کوششوں کی حمایت کرے گا۔ وانگ ای نے امید ظاہر کی کہ تھائی لینڈ آن لائن جوئے اور ٹیلی کام فراڈ پر کاری ضرب لگانے کے لیے اپنی کوششیں تیز کرے گا تاکہ چین-تھائی لینڈ تعلقات کے لیے سازگار ماحول پیدا کیا جائے۔ تھائی لینڈ اور کمبوڈیا دونوں کے مشترکہ دوست کے طور پر، چین بات چیت کے ذریعے باہمی اعتماد کی بحالی اور دونوں فریقوں کے درمیان تعلقات کو بہتر بنانے کے لئے پلیٹ فارم فراہم کرنے کو تیار ہے۔
