بیجنگ: ایران کے خلاف فوجی حملوں کے آغاز کے بعد مزید 470 سے زائد چینی شہریوں کو محفوظ طریقے سے ایران سے نکال لیا گیا ہے۔ یہ بات چینی وزارتِ خارجہ کی ترجمان نے بدھ کے روز ایک سوال کے جواب میں بتائی۔
وزارتِ خارجہ کی ترجمان ماؤ ننگ نے روزانہ کی پریس بریفنگ کے دوران کہا کہ ایران میں سیکیورٹی کی صورتحال کشیدہ ہونے کے بعد چین نے متعلقہ فریقین سے بارہا مطالبہ کیا ہے کہ ایران اور ہمسایہ ممالک میں موجود چینی شہریوں کی سلامتی کو یقینی بنایا جائے۔
انہوں نے مزید کہا کہ ایران اور پڑوسی ممالک میں قائم چینی سفارت خانوں اور قونصل خانوں نے شب و روز کام کرتے ہوئے مختلف مراحل میں چینی شہریوں کے انخلا میں مدد فراہم کی۔ترجمان کے مطابق حکومت اپنے شہریوں کے تحفظ کو اولین ترجیح دیتی ہے اور بدلتی ہوئی صورتحال پر گہری نظر رکھے ہوئے ہے تاکہ ضرورت پڑنے پر مزید اقدامات کیے جا سکیں۔
