چین کی وزارت خارجہ کی ترجمان ماو نِنگ نے معمول کی پریس کانفرنس میں بتایا کہ یکم سے سات اپریل تک چین، افغانستان اور پاکستان کے نمائندوں نے اُرمچی میں مسلسل ایک ہفتے تک غیر رسمی ملاقاتیں کیں۔ تینوں فریقوں کے وفود میں خارجہ، دفاع اور سکیورٹی سمیت مختلف شعبوں کے نمائندے شامل تھے۔
ملاقاتوں کے دوران تبادلۂ خیال کھلے اور عملی انداز میں ہوا اور ماحول مثبت رہا، جس سے مسائل کے حل، نتائج پر مبنی اور عمل پر مبنی نقطۂ نظر کی عکاسی ہوئی۔
چین نے زور دیا کہ دہشت گردی افغانستان اور پاکستان کے تعلقات کو متاثر کرنے والا بنیادی مسئلہ ہے۔ تینوں فریقوں نے اس بات پر اتفاق کیا کہ اُرمچی ملاقات حقیقی اہمیت کی حامل رہی ہے اور اس حوالے سے آئندہ بھی رابطے اور مکالمے کو جاری رکھنے پر اتفاق کیا گیا۔
