اگر مطالبات مانے گئے تو جنگ ختم کرنے کے لیے تیار ہیں ، ایرانی صدر

تہران: ایرانی صدر مسعود پیزشکیان نے کہا کہ ایران جنگ ختم کرنے کے لیے تیار ہے، لیکن شرط یہ ہے کہ اس کے مطالبات پورے کیے جائیں، خاص طور پر یہ یقین دہانی ملنا ضروری ہے کہ دوبارہ ایران کے خلاف جارحیت نہیں کی جائے گی۔مقامی وقت کے مطابق 31 مارچ کو پاسداران انقلاب نے ایک بیان جاری کرتے ہوئے کہا کہ اسی دن صبح سویرے، پاسداران انقلاب بحریہ نے” آپریشن وعدہ صادق -4 "کی اٹھائیسویں لہر کا آغاز کیا، جس نے خلیج فارس اور ارد گرد کے علاقوں میں متعدد امریکی اور اسرائیلی اہداف کو نشانہ بنایا۔ اعلان میں کہا گیا کہ پاسداران انقلاب بحریہ نے بیلسٹک میزائل کے ذریعے خلیج فارس کے مرکزی پانیوں میں ایک اسرائیلی کنٹینر جہاز کو نشانہ بنایا۔

31 مارچ کو موصولہ اطلاعات کے مطابق، امریکی بحریہ کے نمٹز کلاس طیارہ بردار بحری جہاز "بش” اور اس کے ہمراہ بحری بیڑے کو مشرق وسطیٰ میں تعینات کیا جا رہا ہے۔ یہ طیارہ بردار جہاز "لنکن” اور "فورڈ” کیریئر اسٹرائیک گروپس کے ساتھ مل جائے گا، جس کا مطلب ہے کہ امریکہ اس خطے میں بیک وقت تین طیارہ بردار جہاز تعینات کر سکتا ہے۔مقامی وقت کے مطابق 31 مارچ کو ، فیڈرل ریزرو بینک آف کنساس سٹی کے صدر جیف شمڈ نے کہا کہ امریکہ، اسرائیل اور ایران کے درمیان تنازع سے توانائی کی بڑھتی ہوئی قیمتوں کی وجہ سے، امریکی افراط زر زیادہ دیر تک بلند سطح پر رہ سکتا ہے جو تقریبا 3 فیصد تک پہنچ سکتا ہے ۔