امریکی تجارتی نمائندے کے دفتر نے "اضافی پیداواری صلاحیت ” کا حوالہ دیتے ہوئے چین سمیت 16 معیشتوں کے خلاف سیکشن 301 کی تحقیقات کا آغاز کیا۔ 13 مارچ کو، دفتر نے "جبری مشقت سے بنی مصنوعات کی درآمد کو مؤثر طریقے سے روکنے میں ناکامی” کو جواز بناتے ہوئے چین سمیت 60 معیشتوں کے خلاف سیکشن 301 کی تحقیقات کا آغاز کیا۔
ستائیس مارج کو چینی وزارت تجارت کے ترجمان نے اس حوالے سےایک رپورٹر کے سوال کا جواب دیتے ہوئے کہا کہ چین اس پر شدید عدم اطمینان اور سخت مخالفت کا اظہار کرتا ہے۔ترجمان نے بتایا کہ چین کی متعلقہ صنعتوں کے مفادات کے بھرپور تحفظ کے لیے، “عوامی جمہوریہ چین کے غیر ملکی تجارت کے قانون” اور “غیر ملکی تجارت میں رکاوٹوں کی تحقیقات کے قواعد” کے متعلقہ ضوابط کے مطابق، امریکہ کی جانب سے چین کے خلاف شروع کی گئی
سیکشن 301 کے تحت ان دو تحقیقات کے جواب میں، مساوی بنیادوں پر دو تجارتی رکاوٹوں کی تحقیقات کا آغاز کیا گیا ہے۔ ترجمان نے بتایا کہ اگلے مرحلے میں، وزارتِ تجارت تحقیقات کے نتائج کی روشنی میں مناسب اقدامات کرے گی اور اپنے جائز حقوق و مفادات کا بھرپور دفاع کرے گی۔
