امریکہ اور اس کے اتحادی گروہی صف بندی ،تنازعات اور جنگ کو ایشیا پسیفک خطے میں نہ لائیں، چینی وزارت خارجہ

امریکی قیادت میں ایک مینیوفیکچرنگ گروپ فلپائن میں نئے گولہ بارود کی پراڈکشن لائن قائم کرنے کی کوشش کر رہا ہے ۔26 مارچ کو، چینی وزارت خارجہ کے ترجمان لین جیئن نے رسمی پریس کانفرنس میں اس حوالے سے ایک سوال کے جواب میں کہا کہ چین کا ہمیشہ سے یہ ماننا ہے کہ ممالک کے درمیان فوجی اور سیکیورٹی تعاون کسی تیسرے فریق کے خلاف نہیں ہونا چاہیے یا اس سے کسی تیسرے فریق کے مفادات کو نقصان نہیں پہنچنا چاہیے، اور نہ ہی اسے علاقائی امن و استحکام کے خلاف ہونا چاہیے۔

ترجمان کا کہنا تھا کہ ایشیا-پیسیفک دنیا کی ترقی اور خوشحالی کا سب سے اہم محرک اور اس کے استحکام کا ضامن ہے۔ امریکہ اور اس کے اتحادیوں کو چاہیے کہ وہ خطے کے ممالک کی مشترکہ خواہشات کا حقیقی احترام کریں، امن و استحکام کے لیے زیادہ اقدامات کریں، اور گروہی صف بندی ، تصادم اور جنگ کو ایشیا-

پیسیفک میں نہ لائیں۔ متعلقہ ممالک اگر بارود کے ڈھیر یا گولہ بارود کے ذخیرے کے طور پر کردار ادا کریں گے تو اس کے نتائج خود ان کے لیے نقصان دہ ہوں گے ۔ان کا کہنا تھا کہ چین اپنی قومی اور علاقائی سالمیت اور سلامتی کے مفادات اور اپنے جائز حقوق کی بھر پور حفاظت کرے گا۔