اقوام متحدہ کی انسانی حقوق کونسل کے 61ویں اجلاس کے اعلیٰ سطح مرحلے میں چینی نمائندے نے جاپان، فن لینڈ، لتھوانیا اور آسٹریلیا سمیت بعض ممالک کی جانب سے انسانی حقوق کونسل کے پلیٹ فارم کے مبینہ غلط استعمال پر سخت اعتراض اٹھایا۔
چینی نمائندے نے کہا کہ مذکورہ ممالک انسانی حقوق کونسل کو سیاسی مقاصد کے لیے استعمال کرتے ہوئے مسلسل بے بنیاد معلومات گھڑتے اور پھیلاتے ہیں تاکہ چین پر حملے اور اسے بدنام کیا جا سکے۔
چین اس طرزِ عمل کی سختی سے مخالفت کرتا ہے اور اسے یکسر مسترد کرتا ہے۔چینی مندوب نے نشاندہی کی کہ جاپان اور بعض دیگر ممالک دوسروں کی انسانی حقوق کی صورتحال پر تنقید کرتے نہیں تھکتے، مگر خود جاپان کا ریکارڈ تاریخی اور انسانی حقوق کے معاملات میں داغ دار رہا ہے۔ انہوں نے کہا کہ جاپان نہ تو اپنے تاریخی جرائم پر سنجیدہ غور کرتا ہے، نہ ہی ظلم و ستم کی ذمہ داری قبول کرتا ہے، اور نہ ہی متعلقہ معاہداتی اداروں کی تشویش کو خاطر میں لاتا ہے۔
چین نے جاپان پر زور دیا کہ وہ خود احتسابی کرے، اپنی غلطیوں کو تسلیم کر کے ان کی اصلاح کرے، دیگر ممالک کی انسانی حقوق کی صورتحال پر بے جا تبصرے بند کرے اور بین الاقوامی انسانی حقوق کے مکالمے اور تعاون کو نقصان پہنچانے والے اقدامات سے فوری باز آئے.
