بیجنگ: چین نے کہا ہے کہ وینزویلا کو اپنے قدرتی وسائل کے انتظام کا مکمل حق حاصل ہے،امریکا تیل کی فراہمی میں خصوصی رعایت کے لیے وینزویلا پر دباؤ ڈال کر اس کی خودمختاری اور بین الاقوامی قانون کی خلاف ورزی کر رہا ہے۔تفصیلات کے مطابق یہ بات امریکا میں چین کے سفارت خانےکے ترجمان لیو پینگ یو نے کہی ہے۔ترجمان نے امریکی وزیرِ خارجہ مارکو روبیو کے ان بیانات پر تبصرہ کرتے ہوئے کہا، جن کے مطابق امریکا کا دعویٰ ہے کہ چین وینزویلا کا تیل مارکیٹ قیمتوں پر خریدے گا،وینزویلا ایک خودمختار ریاست ہے اور اپنے تمام قدرتی وسائل اور معاشی سرگرمیوں پر مستقل اور مکمل خودمختاری رکھتی ہے۔
انہوں نے کہا کہ امریکا نے کھلم کھلا وینزویلا کے خلاف زور آزمائی کی اور اس ملک سے مطالبہ کیا کہ وہ اپنے تیل کے ذخائر کے معاملے میں امریکا کو ترجیح دے۔
اس طرح کا دبائوبین الاقوامی قانون کی سنگین خلاف ورزی ہے، وینزویلا کی خودمختاری کو مجروح کرتی ہے اور وینزویلا کے عوام کے حقوق پامال کرتی ہے، چین اس کی مذمت کرتا ہے۔اس سے قبل امریکی وزیرِ خارجہ مارکو روبیو نے امریکی سینیٹ کی خارجہ امور کمیٹی کی سماعت کے دوران کہا تھا کہ چین وینزویلا کا تیل خاص رعایت پر خرید رہا ہے۔ انہوں نےکہا کہ چین وینزویلا سے تیل خرید سکتا ہے، لیکن اسے دنیا کے دیگر ممالک کی طرح معمول کی قیمت پر ہی خریدنا ہوگا
